एजेन्सी – प्रिमियर लिगमा आर्सनलले आफ्नो अग्रतालाई थप अगाडी बढाएको छ। गत साता मात्रै प्रिमियर लिगको शिर्ष स्थानमा उक्लिएको आर्सनलले अग्रतालाई थप मजबुत बनाएको हो।
मंगलबार राति आर्सनलले लुटन टाउनलाई पराजित गर्यो। लुटन टाउनको घरेलु मैदानमा भएको रोमान्चक खेलमा आर्सनल ४-३ को गोल अन्तरले विजयी भयो।
आर्सनलका गेब्रियल मार्टिनेली, गेब्रियल जेशू, काई हावर्ट्ज र डेक्लान राइस ले एक–एक गोल गरे। त्यस्तै घरेलु टोलीका लागि गेब्रियल ओशो, एलिया अदेबायो र रस बार्कले एक-एक गोल गरे।
यस जितसंगै आर्सनलले शिर्ष स्थानमा ५ अंकको अग्रता बनाएको छ। एक खेल कम खेलेको लिभरपुलको ३१ अंक छ भने आर्सनलको ३६ अंक छ। आर्सनल जारी सिजनमा मात्र एक खेलमा पराजित भएको छ। पराजित लुटन रेलिगेसन जोन नजिक छ। लुटनले अहिले सम्म मात्र ९ अंक जोडेको छ।
