एजेन्सी – साउदी प्रो लिगमा अल नासरले सहज जित निकालेको छ। अल नासरले शुक्रबार राति सिजनको १६ औं खेलमा सहज जित दर्ता गरेको हो।
अलनासरले शुक्रबार राति अल रियादलाई पराजित गर्यो। पोर्चुगिज स्टार क्रिस्टियानो रोनाल्डो प्रेरित अल नासरए रियादलाई ४-१ को गोल अन्तरले हरायो।
अल नासरको जितमा क्रिस्टियानो रोनाल्डो र ओटाभियोले एक एक गोल गर्दा टालिस्काले २ गोल गरे। त्यसतै अल रियादका लागि आन्द्रे ग्रेले एक गोल गरे।
अल नासरलाई सुरुवाती अग्रता रोनाल्डोले दिलाएका थिए। उनले खेलको ३१ औं मिनेटमा गोल गरेका थिए। त्यसपछि पहिलो हाफको इन्ज्युरी समयमा ओटाभियोले अग्रता दोब्बर पारेका थिए।
खेलको ६७ औं मिनेटमा टालिस्काले गोल गरे। त्यसको एक मिनेट नबित्दै रियादले एक गोल फर्कायो। निर्धारित ९० मिनेट पछि थप भएको चौंथो मिनेटमा टालिस्काले पुनः गोल गरे।
यस जितसंगै अल नासरले साउदी प्रो लिगमा दोस्रो स्थानको पकड कायम राखेको छ। १६ खेलमा १२ जित, एक बराबरी र ३ हारसहित अल नासरले ३७ अंक बनाएको छ। पराजित रियाद भने १६ अंक सहित १६ औं स्थानमा छ।
