एजेन्सी – प्रिमियर लिगमा लिभरपुलले रोमान्चक जित निकालेको छ। सिजनको सुरुवात देखि निरन्तर उच्च प्रदर्शन गरिरहेको लिभरपुलले शनिबार रोमान्चक जित निकालेको हो।
लिभरपुलले शनिबार क्रिस्टल प्यालेसलाई २-१ को गोल अन्तरले पराजित गर्यो। लिभरपुलका लागि मोहम्मद सलाह र हार्वे इलियटले गोल गर्दा क्रिस्टल प्यालेसका लागि जीन फिलिप मेटाले गोल गरे।
खेलको पहिलो हाफमा कुनै टोलीबाट गोल हुन नसकेपनि दोस्रो हाफमा कुल तीन गोल भए। खेलको ५७ औं मिनेटमा पेनाल्टी गोलबाट घरेलु टोलीले अग्रता लिन सफल भयो।
खेलको ७५ औं मिनेटमा प्यालेस १० खेलाडीमा समेटियो। खेलको ७६ औं मिनेटमा मोहम्मद सलाहले गोल गर्दै पाहुना टोलीलाई खेलमा फर्काए। निर्धारित ९० मिनेट पछि थप भएको पहिलो मिनेटमै इलियटले गोल गर्दै लिभरपुलको जित पक्का गरे।
यस जितसंगै लिभरपुल शिर्ष स्थानमा उक्लिएको छ। लिभरपुलले सिजनका १६ खेलबाट ३७ अंक बनाएको छ। लिभरपुल एक खेल कम खेलेको आर्सनल भन्दा मात्र एक अंकले अगाडी छ। प्यालेस भने १६ अंक सहित १४ औं स्थानमा छ।
