एजेन्सी – साउदी प्रो लिग अन्तर्गत अल नासरले शुक्रबार अल इत्तिफाकको सामना गर्दैछ। सिजनको १७ औं खेलमा अल नासरले शक्रबार अल इत्तिफाकको सामना गर्न लागेको हो।
अल नासर र अल इत्तिफाक बीचको खेल शुक्रबार अल नासरको घरेलु मैदानमा अल-अवल पार्क स्टेडियममा हुनेछ। अल नासर पक्कै पनि घरेलु मैदानको लाभ लिँदै जित निकाल्ने पक्षमा हुनेछ।
अल नासर पछिल्लो खेलमा अल इत्तिफाकसंग पराजित भएको थियो। रोनाल्डो नभएको सो खेलमा इत्तिफाक २-१ को गोल अन्तरले विजयी भएको थियो। अल नासर पक्कै पनि सो हारको बदला लिने दाउमा हुनेछ।
अल नासर अहिले साउदी प्रो लिगको दोस्रो स्थानमा छ। सिजनका १७ खेल खेल्दा उसले १२ खेलमा जित निकालेको छ भने ३ खेलमा हार बेहोरेको छ। एक खेलमा बराबरी खेलेर अल नासरले ३७ अंक बटुलेको छ।
त्यस्तै इत्तिफाक भने यस सिजनका १७ खेलमा मात्र ६ जित निकालेर आठौं स्थानमा छ। उसले यस सिजन ५ खेलमा पराजय भोग्दा ६ खेलमा बराबरीमा रोकिएको छ। अल इत्तिफाकको २४ अंक छ।
अल नासर र अल इत्तिफाक बीचको खेल शुक्रबार राति ८ बजेर ४५ मिनेटमा सुरु हुनेछ। खेल भारतीय च्यानल सोनी टेन २ मा हेर्न सकिनेछ।
