एजेन्सी – म्यानचेस्टर सिटी तथा आर्सनल जस्ता टोलीलाई पराजित गरेको बलियो टोली विरुद्ध म्यानचेस्टर युनाइटेडले जित निकालेको छ। सन् २०२३-२४ को सिजन सुरु भएपछि उच्च प्रदर्शन गरिरहेको एस्टन भिल्लालाई युनाइटेडले पराजित गरेको हो।
मंगलबार राति भएको खेलमा युनाइटेडले घरेलु मैदानमा भिल्ला माथि ३-२ को रोमान्चक जित निकाल्यो। पछिलो हाफमा २-० ले पछि परेपनि युनाइटेले दोस्रो हाफमा ३ गोल गर्दै कम्ब्याक गरेको थियो।
युनाइटेडका लागि अलेहान्द्रो गारान्चोले दुई गोल गर्दा रासमुस होएलण्डले एक गोल गरे। एस्टन भिल्लाका लागि लियन्डर डेन्डोन्कर र जना मिक्गिनले एक-एक गोल गरेका थिए।
यस जित संगै युनाइटेड प्रिमियर लिगको छैठौं स्थानमा उक्लिएको छ। प्रिमियर लिगमा युनाइटेडको यो १० औं जित हो। युनाइटेडले १९ खेलमा ८ हार र एक बराबरी सहित ३१ अंक बनाएको छ।
त्यस्तै भिल्लाले भने युनाइटेडसंग पराजित भएपछि दोस्रो स्थानमा उक्लिने अवसर गुमायो। १९ खेलमा भिल्लाले अहिले सम्म १२ खेलमा जित निकालेर ३९ अंक बनाएको छ।
