एजेन्सी – प्रिमियर लिग क्लब म्यानचेस्टर सिटीका अर्जेन्टिनी स्टार जुलियन अल्भारेज पछिल्लो समय धेरै राम्रो प्रदर्शन गरिरहेका छन्। क्लबमा मुख्य स्ट्राइकर एर्लिङ हालाण्ड नभएको अवस्थामा उनले सिटीका लागि निरन्तर गोल गरिरहेका छन्।
अल्भारेजले शनिबार राति पनि सिटीका लागि गोल गरे। शनिबार राति सिटीले घरेलु मैदानमा शेफिल्ड युनाइटेडको सामना गर्यो। खेलमा सिटी २-० को गोल अन्तरले विजयी भयो।
खेलको १४ औं मिनेटमा रोड्रीको गोलबाट अग्रता लिएको सिटीका लागि खेलको ६१ औं मिनेटमा अल्भारेजले दोस्रो गोल गरेका थिए। जससंगै सिटीको जित पक्का भएको थियो।
प्रिमियार लिगको जारी सिजनमा अल्भारेजको यो सातौं गोल हो। उनले यस सिजन प्रिमियर लिगका १९ खेलमा ७ असिस्ट पनि दिएका छन्। सबै प्रतियोगिताको कुरा गर्ने हो भने उनले यस सिजन १२ गोल गरेका छन्।
त्यस्तै उनले कुल ९ असिस्ट पनि दिएका छन्। जुलियन अल्भारेजले हालाण्डको अनुपस्थितिमा गोलको कमि हुन दिएका छैनन्। उनले पछिल्ला तीन खेलमै चार गोल गरिसकेका छन्।
