एजेन्सी – पेरिस सेन्ट जर्मेन(पिएसजी)का फ्रेन्च स्टार किलियन एम्बाप्पेले अर्जेन्टिनी स्टार लियोनेल मेस्सीलाई मिस गरिरहेको बताएका छन्। एक मिडियासंग कुराकानी गर्नेक्रममा एम्बाप्पेले मेस्सीलाई मिस गरिरहेको बताएका हुन्।
आफू जस्तो आक्रमणकारी खेलाडीका लागि मेस्सी हुँदा धेरै सहज हुने एम्बाप्पेले बताए। त्यसक्रममा एम्बाप्पेले मेस्सी हुँदा सहजै बल प्राप्त गर्ने निश्चितता हुने बताउन छुटाएनन्।
“लियो मेस्सीसँग खेल्नु पक्कै पनि मैले धेरै मिस गरिरहेको कुरा हो। लियो मेस्सीसँगको खेल सधै मिस हुन्छ। मेस्सी हुँदा म जस्तो आक्रमणकारी खेलाडीले बल प्राप्त गर्ने निश्चितता हुन्थ्यो। यो एक विलासिता थियो, जुन मेस्सीसंग खेल्दा मात्र प्राप्त हुन सक्छ। मेस्सीसँग खेल्नु विशेष थियो।”,एम्बाप्पेले भने।
मेस्सी सन् २०२१ मा बार्सिलोना छाडेर पिएसजी पुगेका थिए। मेस्सी र एम्बाप्पेले दुई सिजन पिएसजीबाट संगै खेलेका थिए। च्याम्पियन्स लिगमा खास राम्रो गर्न नसकेपनि एम्बाप्पे र पिएसजी मिलेर धेरै उपाधि जितेका थिए।
एमबाप्पे र मेस्सीले पीएसजीमा सँगै ६७ खेल खेलेका थिए। संयुक्त रुपमा दुईले ३४ गोल गरेका थिए। जसमद्ये २० गोल एम्बाप्पेले गरेका थिए भने मेस्सीले १४ गोल गरेका थिए।
