एजेन्सी – सन् २०२४ को पहिलो एक क्लासिको आज हुँदैछ। नयाँ वर्षको पहिलो एक क्लासिको आज राति हुन लागेको हो। आज राति बार्सिलोना र रियल म्याड्रिड साउदी अरेबियामा आमने-सामने हुनेछन्।
आज बार्सिलोना र रियल आमने-सामने हुँदा उपाधि दाउमा हुनेछ। स्पेनिस सुपर कप उपाधिका लागि बार्सिलोना र रियलले आज एक अर्कालाई कडा टक्कर दिनेछन्।
बार्सिलोना र रियल बीच आज हुने भेट सन् २०२४ को पहिलो र जारी सिजनको दोस्रो भेट हुनेछ। यस अगाडी लालिगा अन्तर्गतको खेलमा रियलले बार्सिलोनालाई उसकै घरेलु मैदानमा पराजित गरेको थियो।
स्पेनिस सुपर कपको कुरा गर्नु पर्दा गत सिजन फाइनलमा बार्सिलोना र रियल म्याड्रिड नै भिडेका थिए। सो खेलमा बार्सिलोना ३-१ को गोल अन्तरले विजयी भएको थियो।
आज दुवै टोली पक्कै पनि एक अर्कालाई पराजित गर्दै उपाधि जित्ने योजनामा हुनेछन्। रियलले अहिले सम्म १२ पटक स्पेनिस सुपर कपको उपाधि उचाल्द बार्सिलोनाले १४ पटक सो उपाधि जितेको छ।
घरेलु लिगको कुरा गर्नु पर्दा बार्सिलोना भन्दा रियल राम्रो प्रदर्शन गरिरहेको छ। रियल लालिगाको शिर्ष स्थानमा छ भने बार्सिलोना चौंथो स्थानमा छ। बार्सिलोना रियल भन्दा ७ अंकले पछि रहेको छ।
