एजेन्सी – केहि स्पेनिस मिडियाहरुमा आएका खबर अनुसार क्याटलान क्लब बार्सिलोनाले पिर्मियर लिग क्लब चेल्सीको ट्रान्सफर योजनालाई धक्का दिन खोजिरहेको छ।
चेल्सीले भित्र्याउन चाहेका एक ब्राजिलियन युवा खेलाडी भित्र्याउने दौडमा बार्सिलोना पनि सहभागी हुन लागेको स्पेनबाट प्रकाशित हुने विभिन्न खेल मिडियाहरुले दावी गरेका छन्।
खबर अनुसार चेल्सी टार्गेट पाल्मेइरासका खेलाडी एस्टेभाओ विलियनलाई बार्सिलोना पनि भित्र्याउन चाहन्छ। केहि समय अगाडी चेल्सीले विलियनको स्थानान्तरणलाई अगाडी बढाउन प्रतिनिधि पठाएको थियो।
तर बार्सिलोनाका प्रतिनिधिहरुपनि विलियनको सम्पर्कमा पुगिसकेको मुन्डो डेपोर्टिभोले रिपोर्ट गरेको छ। विलियनले ला कोपिन्हामा पाल्मीरास U20s को लागि पाँच खेलहरूमा चार गोल गरेका छन् भने २ असिस्ट दिएका छन्।
उनले सिनियर टोलीका लागि खेल्न बाँकी छ। ब्लूज विलियनलाई स्ट्यामफोर्ड ब्रिजमा ल्याउन इच्छुक भएपनि उनी सन् २०२५ भन्दा अगाडी प्रिमियर लिग जान पाउने छैनन्।
बार्सिलोनाले विलियनको प्रगतिलाई नजिकबाट नियालिरहेको र उचित समयमा ट्रान्सफर कदम चाल्ने योजना बनाएको बताइएको छ।
