एजेन्सी – पोर्चुगिज स्टार क्रिस्टियानो रोनाल्डोले प्रिमियर लिग क्लव म्यानचेस्टर सिटीलाई बधाई दिएका छन्। एक कार्यक्रमका क्रममा रोनाल्डोले च्याम्पियन्स लिग जितेकोमा सिटीलाई बधाई दिएका हुन्।
शुक्रबार राति दुबईमा भएको एक कार्यक्रमका क्रममा रोनाल्डोले म्यानचेस्टर सिटीले अचम्मको काम गरेको बताए। सानदार सिजनका लागि रोनाल्डोले सिटीलाई बधाई मात्र दिएनन्, क्लबक खेलाडी र प्रशिक्षक सबैले उत्कृष्ट काम गरेको भन्दै प्रशंसा गरे।
रोनाल्डोका अनुसार सिटी दुई वर्ष अगाडी नै च्याम्पियन्स लिग जित्नको लागि योग्य थियो। सिटीले पुनः च्याम्पियन्स लिग जित्न सक्ने स्मभावाना रहेको रोनाल्डोको भनाई छ।
“म्यानचेस्टर सिटीले अचम्मको काम गरेको छ । सानदार सिजनका लागि बधाई। उनीहरुले अन्ततः च्याम्पियन्स लिग जितेका छन्। यसका लागि उनीहरु दुई वर्ष अगाडी नै योग्य थिए। सिटीले फेरी पनि च्याम्पियन्स लिग जित्न सक्छ।”,रोनाल्डोले भने।
दुबई ग्लोब सकर अवार्डमा सिटी उत्कृष्ट क्लब घोसित भएको थियो भने सिटीका हालाण्डले उत्कृष्ट खेलाडीको अवार्ड पाएका थिए। त्यस्तै रोनाल्डोले म्याराडोना अवार्ड, उत्कृष्ट मध्य पूर्व खेलाडी अवार्ड, र फ्यान फेर्ब्रेट वर्ष खेलाडीको अवार्ड जितेका हुन्।
