एजेन्सी – सोमबार राति मेजर सकर लिग क्लब इन्टर मियामीले प्रिसिजनको तेस्रो मैत्रीपूर्ण खेलमा साउदी प्रो लिग लिडर अल हिलालको सामना गर्यो।
साउदी भ्रमणमा रहेको मियामीले सोमबार राति अल हिलालको सामना गरेको हो। साउदीमा इन्टर मियामीले अल हिलालसंग हार बेहोर्यो। अल हिलाल विरुद्धको खेलमा बलमा राम्रो नियन्त्रण राख्न नसकेको मियामीले ४-३ को हार बेहोर्यो।
मियामी विरुद्ध अल हिलालका माइकल डेलगाडोले पनि गोल गरे। उनले खेलको ४४ औं मिनेटमा गोल गरेका थिए। अर्जेन्टिनी स्टार लियोनेल मेस्सीको टोली विरुद्ध गोल गर्दा उनले सम्झिए।
अल हिलालका लागि तेस्रो गोल गरेका उनले अल नासरका पोर्चुगिज स्टार क्रिस्टियानो रोनाल्डोको शैलीमा खुशियाली मनाए। उनले रोनाल्डोको चर्चित सिग्नेचर सेलेब्रेसन ‘सिउउ’ संगै गोलको खुशियाली मनाउन कुनै कसर बाँकी राखेनन्।
अल हिलालका लागि माइकलका अलावा अलेक्सान्डर मिट्रोभिक, अब्दुल्लाह अल हामदान र माल्कमले एक-एक गोल गरे। अल हिलाल विरुद्ध मियामीका लागि तीन खेलाडीले गोल गरे।
त्यसमा मेस्सी पनि थिए। मेस्सीले मियामीका लागि दोस्रो हाफमा पेनाल्टीमा गोल गरे। मेस्सी भन्दा अगाडी पहिलो हाफमा लुइस सुआरेजले गोल गरेका थिए। त्यस्तै अल हिलाल विरुद्ध डेभिड रुइजले पनि गोल गरेका थिए।
🚨🤣Michael – Al Hilal Player
Celebrated like Cristiano Ronaldo vs Messi and Inter Miami #sui
— TransferSou (@sou_sml) January 29, 2024
