एजेन्सी – केहि मिडियाहरुले गरिरहेको दावीलाई मान्ने हो भने म्यानचेस्टर युनाइटेडमा पूर्व स्टार वेन रुनी साउदी पुग्न सक्छन्। केहि समय अगाडी मात्रै बर्मिङ्घम सिटीका प्रशिक्षक पदबाट बर्खास्त भएका रुनी साउदी जान सक्ने दावी केहि मिडियाहरुले गरेका हुन्।
बर्मिङ्घम सिटीले एक महिनाअघि बर्खास्त गरेका इङ्ल्यान्डका पूर्व अन्तर्राष्ट्रिय खेलाडी व्यवस्थापनमा फर्कन तयार रहेको बेलायती मिडिया ‘द सन’ले जनाएको छ।
रिपोर्टका अनुसार रुनी आफ्नो पूर्व इंग्ल्याण्ड राष्ट्रिय टोली सहकर्मी स्टेभेन जेरार्डको पाइला पछ्याउँदै साउदी प्रो लिगमा जान इच्छुक छन्। धेरै क्लबको प्रशिक्षकको रुपमा काम गरिसकेका रुनी धेरै सीपहरू सिकेको विश्वास गर्ने सनले दावी गरेको छ।
टम ब्राडीको स्वामित्वमा रहेको च्याम्पियनसिप पक्ष क्लबको प्रबन्धकको रूपमा नियुक्ति भएको १३ हप्तापछि मात्रै अंग्रेजी प्रशिक्षकसँग अलग्गिएको थियो।
उनको नेतृत्वमा बर्मिङ्घमले खेलेको १५ खेल मध्ये दुई खेल मात्र जित निकाल्न सफल भयो। जस कारण उनी बर्खास्तीमा परे। तर ३८ वर्षीया प्रशिक्षक क्रूर बर्खास्त पछि पनि सकारात्मक रहेको बताइएको छ।
रुनीका म्यानचेस्टर युनाइटेड पूर्व सहकर्मी पोर्चुगिज क्रिस्टियानो रोनाल्डो सन् २०२३ को सुरुवातमा साउदी पुगेका थिए। त्यसयता धेरै युरोपेली स्टारहरु साउदी पुगिसकेका छन्।
