एजेन्सी – स्पेनिस महारथी रियल म्याड्रिडले स्पेनिस लालिगामा सानदार जित निकालेको छ। रियलले शनिबार राति उपाधि होडमा रहेको जिरोना माथि सानदार जित निकालेको हो।
घरेलु मैदानमा भएको खेलमा रियलले जिरोनालाई ४-० को गोल अन्तरले पराजित गर्यो। रियलको जितमा भिनिसियस जुनियर, जुड बेलिङ्घम र रोड्रीगोले गोल गरे।
त्यसमद्ये बेलिङ्घम दुई गोल गरेका थिए। रियलले पहिलो हाफमा दुई तथा दोस्रो हाफमा दुई गोल गरेको थियो। बलमा पनि रियलले राम्रो नियन्त्रण राखेको थियो।
खेलको छैठौं मिनेटमै भिनिसियसको गोलबाट रियलले अग्रता पाएको थियो। खेलको ३५ औं मिनेटमा बेलिङ्घमले गोल गर्दा रियलको अग्रता दोब्बर पारे। खेलको ५४ औं मिनेटमा बेलिङ्घमले नै गोल गर्दा रियल ३-० को अवस्थामा पुग्यो।
रियल त्यतिमा मात्र रोकिएन। खेलको ६१ औं मिनेटमा रोड्रीगो गोल गर्दा रियलको ४-० को सानदार जित पक्का भयो। यस जितसंगै रियलले शिर्ष स्थानको अग्रता थप बलियो बनाएको छ।
रियलले सिजनका २४ खेलमा १९ जित, ४ बराबरी र एक हार सहित ६१ अंक बानाएको छ। जिरोना रियल भन्दा ५ अंकले पछि छ। जिरोनाको १७ जित र २ हार सहित ५६ अंक छ।
