एजेन्सी – रियल म्याड्रिडका ब्राजिलियन स्टार रोड्रिगोले पेरिस सेन्ट जर्मेन(पिएसजी)का स्टार किलियन एम्बाप्पे विश्वकै उत्कृष्ट खेलाडी रहेको बताएका छन्। एक कुराकानीका क्रममा रोड्रिगोले एम्बाप्पे विश्वको उत्कृष्ट खेलाडी रहेको बताएका हुन्।
लालिगाको महत्वपूर्ण खेलमा जिरोनालाई ४-० को गोल अन्तरले पराजित गरेपछि पत्रकार सम्मेलनका क्रममा रोड्रिगोले स्पष्ट रुपमा एम्बाप्पे विश्वका उत्कृष्ट खेलाडीहरु मद्ये एक रहेको बताए।
त्यसक्रममा उनले एम्बाप्पेसंग खेल्न आफू इच्छुक रहेको बताउन पनि छुटाएनन्। एम्बाप्पे रियल आउन् भन्ने आफ्नो चाहना रहेको सो कुराकानीका क्रममा रोड्रिगोले बताए।
“म एम्बाप्पे यहाँ आउन् भन्ने चाहन्छु। म सधैं उत्कृष्ट खेलाडीहरूसँग खेल्न चाहन्छु र उनी विश्वका उत्कृष्टमध्ये एक हुन्। उनी पिएसजीका खेलाडी हुन् र मैले सो कुरा लाई सम्मान गर्नु पर्छ। मैले उनी बारे धेरै बोल्न मिल्दैन।”,रोड्रिगोले भने।
लामो समय देखि एमबाप्पेलाई म्याड्रिडको सम्भावित खेलाडीको रूपमा हेरिएको छ। रियल एम्बाप्पेको ड्रिम क्लब पनि हो। एम्बाप्पे छिट्टै रियल पुग्न सक्छन्।
पिएसजी र एम्बाप्पे बीचको सझौता यहि सिजनको अन्त्यमा सकिँदैछ। जनवरी देखि नै एम्बाप्पे जुन सुकै क्लबसंग अग्रिम सम्झौता गर्नका लागि खुला भइसकेका छन्। यस्तोमा रियलले एम्बाप्पेलाई भित्र्याउन अहिले देखि प्रयास गरिरहेको छ।
