एजेन्सी – अल नासरका पोर्चुगिज स्टार क्रिस्टियानो रोनाल्डोले अर्जेन्टिनी स्टार लियोनेल मेस्सीको रेकर्डसंग बराबरी गरेका छन्। सन् २०२४ को पहिलो गोल दर्ता गरेसंगै रोनाल्डोले मेस्सीको एक रेकर्डसंग बराबरी गरेका हुन्।
बुधबार राति अल नासरले एसियन च्याम्पियन्स लिगको अन्तिम १६ को पहिलो लेग अन्तर्गतको खेलमा अल फेइहाको सामना गर्यो। अल नासरलाई जित दिलाउन रोनाल्डोले महत्वपूर्ण भूमिका निभाए।
रोनाल्डोले सो खेलमा निर्णायक गोल गरेका थिए। खेलको ८१ औं मिनेटमा रोनाल्डोले सानदार गोल गरे। मार्सेलो ब्रोजोभिकमा भ्लादिमिर स्टोजकोभिकलाई बिट गर्दै रोनाल्डोले गोल गर्दा मेस्सीको रेकर्डसंग बराबरी गरेका हुन्।
नन पेनाल्टी गोलको मामलामा रोनाल्डोले मेस्सीलाई भेट्टाएका छन्। मेस्सी र रोनाल्डो दुवैको नन पेनाल्टी गोल ७ सय १३ पुगेको छ। मेस्सीले कुल १ हजार ४७ खेलमा ७ सय १३ नन पेनाल्टी गोल गर्दा रोनाल्डोले भने १ हजार २ सय ५ खेलमा त्यति गोल गरेका हुन्।
रोनाल्डोले जम्मा ८७४ गोल गरेका छन् भने मेस्सीले ८२१ पटक गोल गरेका छन् । आठ पटक बालोन डी’ओर जितिसकेका मेस्सीले ३६१ असिस्ट प्रदान गरेका छन् भने रोनाल्डोले २४९ असिस्ट प्रदान गरेका छन्।
बुधबार अल नासरका लागि रोनाल्डोले जनाएको उपस्थिति उनको क्लब स्तरीय करियरको १ हजारौं खेल पनि थियो।
