रोनाल्डो चम्किएपछि अल नासरको सानदार जित, गरे यति उत्कृष्ट गोल ! [भिडियो सहित] -

एजेन्सी – साउदी प्रो लिगको महत्वपूर्ण खेलमा अल नासरले सहज जित निकालेको छ। जारी सिजनको २० औं खेलमा अल नासरले शनिबार राति जित निकालेको हो।

अल नासरले घरेलु मैदानमा भएको खेलमा अल फतेहलाई २-१ को गोल अन्तरले पराजित गर्यो। अल नासरको जितमा पोर्चुगिज स्टार क्रिस्टियानो रोनाल्डो र ओटाभियोले गोल गरे। त्यस्तै अल फतेहका लागि सलेम अल नजदीले गोल गरे।

खेलको पहिलो हाफमै अल नासरले अग्रता लिएको थियो। खेलको १७ औं मिनेटमा क्रिस्टियानो रोनाल्डोले गोल गरेका थिए। तर खेलको २९ औं मिनेटमा सलेम अल नजदीले गोल गर्दै खेललाई १-१ को बराबरीमा पुर्याए।

त्यसपछि पहिलो हाफमा दुवै टोलीबाट थप गोल हुन सकेनन्। खेलको ७२ औं मिनेटमा ओटाभियोले गोल गरेसंगै अल नासरको जित पक्का भयो। खेलभर अल नासरले बलमा राम्रो नियन्त्रण राखेको थियो।

बलमा अल नासरको ६६ प्रतिशत नियन्त्रण थियो। यस जितसंगै दोस्रो स्थानमा रहेको अल नासरले शिर्ष स्थानको अल हिलालसंगको अंक दूरी घटाएको छ। अल हिलाल भन्दा अल नासर मात्र ४ अंकले पछि छ।

अल नासरले यस सिजन २० खेल मद्ये १६ खेलमा जित निकालेको छ भने ३ खेलमा पराजय भोगेको छ। त्यस्तै एक खेल बराबरी खेल्दा उसले ४९ अंक बटुलेको छ।