एजेन्सी – प्रिमियर लिगमा म्यानचेस्टर युनाइटेडले महत्वपूर्ण जित निकालेको छ। सिजनको सुरुवात देखि खासै राम्रो प्रदर्शन गर्न नसकेपनि पछिल्लो समय भने राम्रो प्रदर्शन गरिरहेको युनाइटेडले आइतबार महत्वपूर्ण जित निकालेको हो।
आइतबार राति युनाइटेडले घरेलु मैदानमा लुटन टाउनलाई पराजित गर्यो। लुटन टाउनको घरेलु मैदानमा भएको खेल युनाइटेडले २-१ को गोल अन्तरले जित्यो।
युनाइटेडको जितमा रास्मस होएलण्डले दुई गोल गर्दा लुटनका लागि एक गोल चार्ल्टन मोरिसले गोल गरे। होएलण्डले खेलको १० मिनेट भन्दा अगाडी नै दुई गोल गरेका थिए।
खेलको पहिलो मिनेटमै गोल गरेका उनले खेलको सातौं मिनेटमा पनि गोल गरे। खेलको १४ औं मिनेटमा घरेलु टोलीका लागि चार्ल्टन मोरिसले एक गोल फर्काए।
त्यसपछि दुवै टोलीबाट गोलका थप प्रयास भएपनि कुनै टोलीले गोल गर्न सकेनन्। खेलभर बलमा लुटन टाउनले बढी नियन्त्रण राखेको थियो। खेलभर लुटन टाउनको बलमा ५९ प्रतिशत नियन्त्रण थियो।
प्रिमियर लिगमा युनाइटेडको यो लगातार चौंथो जित हो। युनाइटेडले २५ खेलमा १४ जित र ९ हार सहित ४४ अंक बानाएको छ। युनाइटेड अहिले छैठौं स्थानमा छ। पराजित लुटन भने २० अंक सहित १७ औं स्थानमा छ।
