एजेन्सी – केहि खेल मिडियाहरुले गरिरहेको दावीलाई मान्ने हो भने पेरिस सेन्ट जर्मेन(पिएसजी)का फुल ब्याक अचरफ हाकिमीले आगामी समर ट्रान्सफर विन्डोमा क्लब छाड्ने सक्छन्।
फ्रेन्च स्टार किलियन एम्बाप्पेले क्लब छाड्ने निर्णय गरेपछि हाकिमी पनि क्लब छाड्ने निर्णयमा पुगेको हुन सक्ने केहि खेल मिडियाहरुले दावी गरेका हुन्।
रियल म्याड्रिड एकेडेमी स्नातक, मोरक्को अन्तर्राष्ट्रियले सन् २०१८ देखि सन् २०२० सम्म बोरुसिया डर्टमन्डमा हुँदा शीर्ष-फ्लाइट फुटबलको वास्तविक स्वाद चाखेका थिए।
सिग्नल इडुना पार्कमा उनले कुल ७३ खेलहरु खेले। जसमा उनले १२ गोल गरे भने १७ असिस्ट प्रदान गरे। त्यहाँबाट फर्किएपछि रियलले उनलाई इटालियन क्लब इन्टर मिलन पठायो।
इन्टरले उनलाई ४३ मिलियन यूरोमा खरिद गरेको थियो। त्यसपछि सन् २०२१ मा इन्टरबाट उनी पिएसजी पुगेका थिए। त्यसयता उनी निरन्तर पिएसजीका लागि उच्च प्रदर्शन गर्दै आएका छन्।
तर एम्बाप्पेले क्लब छाड्ने भएपछि उनले पनि पिएसजी छाड्ने मन बनाएको बताइएको छ। उनलाई रियल म्याड्रिड र म्यानचेस्टर सिटीले भित्र्याउन सक्ने पनि केहि खेल मिडियाहरुले दावी गरिरहेका छन्।
