एजेन्सी – स्पेनिस महारथी रियल म्याड्रिड लालिगा उपाधि तर्फ थप अगाडी बढेको छ। आइतबार राति महत्वपूर्ण जित निकालेसंगै रियल उपाधि तर्फ थप अगाडी बढेको हो।
आइतबार राति रियलले घरेलु मैदान सान्तियागो बेर्नाबेऊ स्टेडियममा सेभियालाई १-० गोल अन्तरले पराजित गर्यो। सेभिया विरुद्ध रियलले बलमा राम्रो नियन्त्रण राखेर आक्रमण गरेको थियो।
बलमा रियलको कुल ६४ प्रतिशत नियन्त्रण थियो। खेलभा रियलको तर्फबाट कुल १६ प्रहार भएका थिए। जसमद्ये ६ प्रहार टार्गेटमा थिए। त्यसमा एक प्रहार गोलमा परिणत भयो।
रियलका लागि भेट्रान मिडफिल्डर लुका मोड्रिचले गोल गरेका थिए। लुका मोड्रिचले खेलको ८१ औं मिनेटमा गोल गरेका थिए। उनले गरेको गोल नै
खेलमा निर्णायक बन्यो।
यस जितसंगै रियलले लालिगामा अग्रता बढाएको छ। स्पेनिस लालिगामा रियलले अहिले सम्म २६ खेलमा २० जित र एक हार सहित ६५ अंक बनाएको छ।
लालिगामा रियल दोस्रो स्थानको बार्सिलोना भन्दा ८ अंकले अगाडी छ। त्यस्तै एक खेल कम खेलेको जिरोना भन्दा रियल ९ अंकले अगाडी रहेको छ।
