एजेन्सी – केहि खेल मिडियाहरुमा आएका खबरलाई मान्ने हो भने फ्रेन्च स्टार किलियन एम्बाप्पेसंगै उनका भाइ इथान एम्बाप्पे पनि स्पेनिस क्लब रियल म्याड्रिड पुग्न सक्छन्।
बेलायतबाट प्रकाशित हुने डेली मेलले दाजु एम्बाप्पेसंग इथान पनि स्पेनिस क्लब रियल म्याड्रिड पुग्न सक्ने सम्भावना देखिएको भन्दा खबर प्रकाशित गरेको हो।
किलियन एम्बाप्पेलाई सन् २०१९ देखि रियल म्याड्रिडले भित्र्याउन चाहिरहेको छ। एम्बाप्पेलाई भित्र्याउने प्रयासहरु लगातार असफल भएपनि यस पटक भने रियल उनलाई भित्र्याउन धेरै नजिक छ।
एम्बाप्पेले पेरिस सेन्ट जर्मेन(पिएसजी)लाई क्लब छाड्ने जानकारी गराइसकेका छन् भने रियल जान एक हिसाबले सहमत भइसकेका छन्। एम्बाप्पे र रियल बीच अब केहि विषयमा मात्रै सहमति हुन बाँकि छ।
यसै बीच एम्बाप्पेले आफूसंगै आफ्ना भाइलाई पनि अनुबन्द गर्न एम्बाप्पेले रियललाई आग्रह गरेको डेली मेलले जनाएको छ। तर यस दावीको पुष्टि हुन भने बाँकि छ।
इथान मात्र १७ वर्षका छन्। उनले यस सिजनको सुरुमा डिफेन्डिङ लिग १ च्याम्पियनसँग आफ्नो व्यावसायिक डेब्यु गरेका थिए। यो रिपोर्ट गरिएको छ कि टोलीले खेलाडी र उनको स्तर न्याय गर्न अघि उनको हस्ताक्षर सुरुमा रियल म्याड्रिड क्यास्टिलाको लागि हुनेछ।
