एजेन्सी – फ्रेन्च स्टार किलियन एम्बाप्पे फ्रेन्च क्लब पेरिस सेन्ट जर्मेन(पिएसजी)मा आफ्नो अन्तिम सिजन बिताइरहेका छन्। सिजनको अन्त्यमा पिएसजी छाड्ने निर्णय गरिसकेका उनी रियल म्याड्रिड आवद्ध हुने बाटोमा छन्।
एक हिसाबले भन्ने हो भने एम्बाप्पे रियलसँग सम्झौता गर्ने ढोकाको धेरै नजिक छन्। रियल र एम्बाप्पे पक्ष बीच निरन्तर छलफल चलिरहेको रिपोर्टहरु बाहिर आइरहेका छन्।
अब रियल र एम्बाप्पे पक्ष बीच केहि विषयमा मात्र सहमति हुन बाँकी रहेको बताइन्छ। दुई पक्ष बीच आर्थिक विषयमा सहमति जुटाउने प्रयास भइरहेको विभिन्न खेल मिडियाहरुले जनाइरहेका छन्।
यसैबीच प्रिमियर लिग क्लब आर्सनलका एक समर्थकले एम्बाप्पेलाई आर्सनल आवद्ध हुन आग्रह गरेको एक भिडियो भाइरल भइरहेको छ। सामाजिक संजालमा भाइरल सो भिडियोमा आर्सनल समर्थकको आग्रहमा एम्बाप्पेले गज्जबको जवाफ दिएको देख्न सकिन्छ।
आर्सनल समर्थकले आर्सनल आवद्ध हुन आग्रह गर्दा एम्बाप्पे मज्जाले हाँस्छन् र लण्डनको मौसमको कारण आफू त्यहाँ नजाने जवाफ दिन्छन्। इङ्ल्यान्डमा धेरै चिसो रहेको एम्बाप्पेले जवाफ दिएका थिए।
“आर्सनल ? अहँ ! त्यहाँ जाने कुरै छैन, कुरै छैन ! त्यहाँ धेरै चिसो छ”,एक आर्सनल समर्थकले आर्सनल आउन आग्रह गर्दा एम्बाप्पेले हाँस्दै जवाफ दिँदै भन्छन्।
🇫🇷 Kylian Mbappe’s reaction when asked to join Arsenal:
“It’s too cold there.” 😂pic.twitter.com/h3xqmAR9qb
— CentreGoals. (@centregoals) March 16, 2024
