एजेन्सी – केहि खेल मिडियाहरुले गरिरहेको दावीलाई मान्ने हो भने पेरिस सेन्ट जर्मेन(पिएसजी) क्लबका स्टार डिफेन्डर अचराफ हाकिमीलाई बिक्री गर्न इच्छुक छैन।
अचराफ हाकिमीलाई स्पेनिस महारथी रियल म्याड्रिडले भित्र्याउन चाहेको भएपनि पिएसजी बिक्री गर्न अनिच्छुक देखिएको स्पेनबाट प्रकाशित हुने केहि खेल मिडियाहरुले दावी गरेका हुन्।
पिएसजीका अध्यक्ष नासेर अल-खेलाफी अचराफ हाकिमीलाई बिक्री नगर्ने योजनामा रहेको स्पेनिस मिडिया एल नेसिओनलले जनाएको छ। उनी हाकिमीलाई क्लबमै अड्याउन हाकिमीको पारिश्रमिक वृद्धि गर्ने योजनामा रहेको बताइएको छ।
फ्रान्सेली दिग्गजहरूसँग हाकिमीको हालको सम्झौता २०२६ को समरमा समाप्त हुन्छ। २५ वर्षीय डिफेन्डरले यस सिजनका सबै प्रतियोगिताका ३० खेलमा चार गोल र पाँच असिस्ट गरेका छन्।
अचराफ हाकिमी रियल म्याड्रिडको युवा श्रेणीबाट आएका थिए। त्यहाँबाट उनी लोनमा बोरुसिया डर्टमन्ड पुगेका थिए। बुन्डेसलिगा दिग्गजहरूमा दुई वर्षको लोन-स्पेल पछि, उनलाई २०२० को गर्मीमा इन्टर मिलानले अनुबन्ध गरेको थियो।
अहिले रियल हाकिमीलाई क्लबमा फिर्ता ल्याउन इच्छुक रहेको बताइएको छ। क्लबका ड्यानी कारभाजल र लुकास भाज्क्वेजको उमेर ढल्कँदै गएका कारण रियलले थप डिफेन्डर भित्र्याउन खोजिरहेको र रियलको ट्रान्सफर लिस्टमा हाकिमी समेत रहेको चर्चा छ।
