एजेन्सी – पोर्चुगिज स्टार क्रिस्टियानो रोनाल्डोले आफ्नो नयाँ क्लब अल नासरका लागि नयाँ कोशेढुंगा पार गरेका छन्। क्लबमा आवद्ध भएदेखि नै निरन्तर गोल गरिरहेका रोनाल्डोले नयाँ कोशेढुंगा पार गरेका हुन्।
अल नासरको पछिल्लो खेलमा रोनाल्डोले पेनाल्टीमा गोल गरेका थिए। जससंगै उनले अल नासरका लागि ५० गोलको कोशेढुंगा पार गरे। क्लब आवद्ध भएको छोटो समयमै उनले ५० गोल पूरा गरेका हुन्।
रोनाल्डोले अहिले सम्म सबै प्रतियोगितामा अल नासरका लागि कुल ५८ खेल खेलेका छन्। यी ५८ खेल मध्ये धेरै जसो खेलमा गोल गर्दै रोनाल्डोले ५० गोलको आँकडा पार गरे।
रोनाल्डोले सन् २०२३ भर अल नासर र पोर्चुगलका लागि ५४ गोल गरेका थिए। जससंगै उनी त्यसवर्षको सर्वाधिक गोलकर्ता बनेका थिए। यस वर्ष पनि रोनाल्डो राम्रो लयमा छन्।
अल नासरका लागि सन् २०२३-२४ को सिजनमा साउदी प्रो लिगमा रोनाल्डोले कुल २३ गोल गरेका छन्। उनले साउदी प्रो लिगका २२ खेलमा ९ असिस्ट पनि दिएका छन्।
सबै प्रतियोगिताको कुरा गर्ने हो भने रोनाल्डोले यस सिजन कुल ३० गोल गरेका छन् भने ११ असिस्ट दिएका छन्। यो सफलता उनले ३३ खेलमा पाएका हुन्।
