एजेन्सी – ब्राजिलका प्रबन्धक डोरिभाल जुनियरले सेलेकाओका लागि इंग्ल्याण्डमाथिको जितमा निर्णायक प्रदर्शन गरेपछि किशोर सेन्सेसन एन्ड्रिकको खुलेर प्रशंसा गरेका छन्।
इंग्ल्याण्ड विरुद्ध निर्णायक भूमिका निभाएका एन्ड्रिकको डोरिभाल जुनियरले खुलेर प्रशंसा गरेका हुन्। भविष्यमा एन्ड्रिक ब्राजिल र विश्व फुटबलको महत्वपूर्ण खेलाडी बन्ने डोरिभालको भनाई छ।
“मलाई विश्वास छ कि यदि एन्ड्रिकले गम्भीर, कडा परिश्रम गरिरहे भने … उनी ब्राजिलियन फुटबल र विश्व फुटबलको लागि ऐतिहासिक नाम बन्नेछन्”,डोरिभालले भने।
एन्ड्रिकले भर्खर खेल्न सुरु गरिरहेका कारण सबै जना शान्त रहेर उनको प्रगतिलाई नियाल्नु पर्ने डोरिभालको भनाई छ। तर एन्ड्रिक फरक रहेको बताउन डोरिभालले छुटाएनन्।
तर हामीले एन्ड्रिकको विषयमा शान्त हुन आवश्यक छ, उनले भर्खर त सुरु गरिरहेका छन्। तर उनी फरक छन्, उनको कौशल फरक छ।”,डोरिभालले भने।
पाल्मिरासका लागि राम्रो प्रदर्शन पछि एन्ड्रिक पहिले नै समाचारमा छन्। उनलाई चेल्सी र पेरिस सेन्ट जर्मेन(पिएसजी) जस्ता क्लबहरुले भित्र्याउन चाहेका थिए।
तर उनले रियल माद्रिड आवद्ध हुने निर्णय गरे। उनी आगामी सिजनबाट रियल म्याड्रिड आइपुग्नेछन्। रियल म्याड्रिडले उनका लागि ५२ मिलियन युरो खर्च गरेको थियो।
