एजेन्सी – विभिन्न खेल मिडियाहरुमा आएका खबरहरुलाई मान्ने हो भने साउदी क्लब अल नासरका पोर्चुगिज डिफेन्डर एमेरिक लापोर्टे युरोप फर्किन चाहन्छन्।
साउदी क्लब अल नासरमा खासै सन्तुष्ट हुन नसकिरहेका एमेरिक लापोर्टे साउदी छाडेर युरोप फिर्ता हुन इच्छुक रहेको युरोपबाट प्रकाशित हुने विभिन्न खेल मिडियाहरुले दावी गरेका हुन्।
एसेन्शिअली स्पोर्ट्सले गरेको दावी अनुसार लापोर्टे अल नासरमा सन्तुष्ट हुन सकिरेका छैनन्। उनले युरोप फर्किने चाहना व्यक्त गरेपछि अल नासर नयाँ डिफेन्डरको खोजिमा जुटेको बताइएको छ।
अल नासरले पछिल्लो समर ट्रान्सफर विन्डोमा आफ्नो टोलीलाई नयाँ रुप दिएको थियो। अल नासरले लापोर्टेलाई सिटीबाट खरिद गरेर ल्याएको थियो। उनका लागि अल नासरले २३ मिलियन पाउण्ड भन्दा बढी रकम खर्च गरेको थियो।
उनले अरेबियन जाइन्टहरूसँगको आफ्नो कार्यकालमा १० क्लिन सिट राखेका छन्। कुल २९ खेलमा उनले दुई गोलका लागि असिस्ट पनि दिएका छन्।
पोर्चुगिज स्टार क्रिस्टियानो रोनाल्डो साउदी पुगेपछि धेरै खेलाडीहरु युरोप छाडेर साउदी पुगेका छन् र त्यसमा लापोर्टे पनि छन्। तर धेरै खेलाडीहरु साउदीमा घुलमिल हुन भने संघर्ष गरिरहेका छन्।
