एजेन्सी – साउदी प्रो लिगको गोल्डेन बुट जित्ने दौडमा पोर्चुगिज क्रिस्टियानो रोनाल्डोले सानदार जम्प हानेका छन्। सन् २०२३-२४ को सिजन सुरु भएयता निरन्तर उच्च प्रदर्शन गर्दै आएका रोनाल्डोले गोल्डेन बुट दौडमा सानदार जम्प हानेका हुन्।
शनिबार राति अल नासरले अल ताईको सामना गर्यो। ५-१ को गोल अन्तरले अल नासर विजयी भएको खेलमा कप्तान क्रिस्टियानो रोनाल्डोले ह्याट्रिक गरे।
सो ह्याट्रिक संगै साउदी प्रो लुग गोल्डेन बुट जित्ने दौडमा रोनाल्डोले अग्रता बढाएका छन्। रोनाल्डो गोल्डन बुट रेसको शिर्ष स्थानमा छन् र उनले गोल अन्तर बढाएका छन्।
यस सिजन साउदी लिगमा २३ खेल खेल्दा रोनाल्डोले २६ गोल गरिसकेका छन्। दोस्रो स्थानका अलेक्जान्डर मिट्रोभिच भन्दा रोनाल्डो चार गोलले अगाडी रहेका छन्।
अल हिलालका अलेक्जान्डर मिट्रोभिचले यस सिजन २२ खेलमा २२ नै गोल गरेका छन्। साउदी लिगको गोल्डेन बुट दौडमा यस पटक अलेक्जान्डर मिट्रोभिच र रोनाल्डो बीच प्रतिष्पर्धा भइरहेको छ।
यस दौडको तेस्रो स्थानमा अल इत्तिहादका अब्दरराजक हमदल्लाह छन्। उनले यस सिजन १८ गोल गरेका छन्। उनले २० खेलमा १८ गोल गरेका हुन्।
