एजेन्सी – आज राति साउदी प्रो लिग क्लब अल नासर एक्सनमा उत्रँदैछ। साउदी प्रो लिगको जारी सिजनको २७ औं खेलका लागि अल नासर आज एक्सनमा उत्रन लागेको हो।
आज राति अल नासरले दमाक एफसीको सामना गर्नेछ। खेल प्रिन्स सुल्तान बिन अब्दुल अजिज स्टेडियममा हुनेछ। खेल नेपाली समय अनुसार आज राति १२ बजेर ४५ मिनेटमा सुरु हुनेछ।
दमाक विरुद्ध एक्सनमा उत्रँदा अल नासर पक्कै पनि सानदार जित निकाल्ने दाउमा हुनेछ। अल नासरले यस अगाडी आभा विरुद्ध ८-० को सानदार जित निकालेको थियो।
त्यसभन्दा अगाडी अल ताई विरुद्ध ५-१ को जित निकालेको थियो। दुवै खेलमा अल नासरका कप्तान क्रिस्टियानो रोनाल्डोले ह्याट्रिक गरेका थिए। आज पनि रोनाल्डोलाई ह्याट्रिकको मौका हुन सक्छ।
आज पनि ह्याट्रिक गरेको खण्डमा रोनाल्डोले ह्याट्रिकमा ह्याट्रिक गर्नेछन्। सन् २०२३-२४ को सिजन सुरु भएदेखि नै उच्च लयमा रहेका रोनाल्डो पछिल्लो समय झनै राम्रो लयमा छन्।
दुई ह्याट्रिक संगै साउदी प्रो लिगको जारी सिजनमा रोनाल्डोको गोलसंख्या २९ पुगेको छ। रोनाल्डोले यस सिजन अल नासरका लागि कुल २४ खेल खेलेका छन्।
