एजेन्सी – विभिन्न खेल मिडियाहरुमा आएका खबरहरुलाई मान्ने हो भने बायर्न म्युनिखका पूर्व प्रबन्धक हान्सी फ्लिक क्याटलान क्लब बार्सिलोना आवद्ध हुन इच्छुक छन्।
बायर्न म्युनिखका पूर्व प्रबन्धक हान्सी फ्लिक यस समरमा बार्सिलोना जान इच्छुक रहेको दावी विभिन्न खेल मिडियाहरुले गरेका हुन्। खबरका अनुसार फ्लिक स्पष्ट रुपमा बार्सिलोनाको जिम्मेवारी लिन तयार रहेका छन्।
बार्सिलोनाका वर्तमान प्रशिक्षक जाभीले यस सिजनको अन्त्यमा क्लब छाडेर जनाए घोषणा गरिसकेका छन्। बार्सिलोना निरन्तर पराजित भएपछि बार्सिलोना छाड्ने घोषणा जाभीबाट आएको थियो।
बार्सिलोनाले त्यसपछि केहि सम्हालिएको प्रदर्शन समेत गर्यो। तर पनि जाभी बार्सिलोना छाड्ने निर्णयबाट ब्याक हुने मनस्थितिमा देखिएका छैनन्। जसकारण अब बार्सिलोनाले नयाँ सिजनका लागे नयाँ प्रशिक्षकको खोजि गर्नु पर्ने भएको छ।
त्यस्तै केहि खेल मिडियाहरुको दावी अनुसार बार्सिलोना पनि फ्लिकलाई क्लबको जिम्मेवारी दिन इच्छुक छ। फ्लिक त्तिनै प्रशिक्षक हुने जसले केहि वर्ष अगाडी बायर्नसँग ट्रेबल जितेका थिए।
