एजेन्सी – म्यानचेस्टर सिटीका नर्वेली युवा स्टार एर्लिङ हालाण्डको गोल्डेन बुट जित्ने अभियानमा धक्का लाग्ने देखिएको छ। पछिल्लो समय खासै गोल गर्न नसकेपछि हालाण्डको प्रिमियर लिग गोल्डेन बुट जित्ने योजनामा धक्का लागेको हो।
प्रिमियर लिगको शिर्ष गोलकर्ताको सूचीमा हालाण्डलाई एक युवा खेलाडीले भेट्टाएका छन् र ती खेलाडी यस सिजन खासै राम्रो प्रदर्शन गर्न नसकिरहेको चेल्सीका कोल पाल्मर रहेका छन्।
हालाण्डले यस सिजन सिटीका लागि प्रिमियर लिगमा २० गोल गरेका छन्। उनले २६ खेलमा २० गोल गरेका हुन्। उनले गत सिजन सिटीका लागि प्रिमियर लिगका ३५ खेलमा ३६ गोल गरेका थिए।
यस सिजन पाल्मर चेल्सीका लागि निक्कै राम्रो प्रदर्शन गरिरहेका छन्। उनको पनि यस सिजन प्रिमियर लिगमा गोल संख्या २० पुगेको छ। उनले यस सिजन २८ खेलमा २० गोल गरेका हुन्। गत सिजन उनी सिटीमा थिए।
सिटीमा खासै राम्रो खेल्ने अवसर नपाएपछि गत समर ट्रान्सफर विन्डोमा चेल्सी पुगेका थिए। पहिलो सिजनमै उनी चेल्सीका लागि महत्वपूर्ण खेलाडी सावित भैसकेका छन्।
गोल्डेन बुट दौडको तेस्रो स्थानमा एस्टन भिल्लाका ओली वाटकिन्स छ्न्। उनले अहिले सम्म १९ गोल गरेका छन्।
