एजेन्सी – अल हिलाल फरवार्ड अलेक्जेन्डर मिट्रोभिकले पोर्चुगिज स्टार क्रिस्टियानो रोनाल्डोका कारण साउदी प्रो लिगको उदय वास्तविक भएको बताएका छन्।
एक कुराकानीका क्रममा मिट्रोभिकले साउदी प्रो लिगको उदयको श्रेय रोनाल्डोलाई दिए। साउदी लिगको प्रगति रोनाल्डोको आगमन पछि नै सुरु भएको मिट्रोभिकले बताए।
साउदी लिगको प्रगतिको सुरुवात रोनाल्डोकै कारण सुरु भएको मिट्रोभिकको भनाई छ। रोनाल्डोको आगमन पछि नै साउदीमा अन्य खेलाडीहरुको आगमन सुरु भएको मिट्रोभिकले बताउन छुटाएनन्।
“क्रिस्टियानो रोनाल्डोले साउदी लिगको उदयलाई वास्तविक बनाए। रोनाल्डो साउदी लिगमा आएपछि, सबैलाई आउन सजिलो भयो। विश्वास गर्नुहोस् कि रोनाल्डोले यो सबै सुरु गरे। लिग अगाडी बढ्दै जानेछ।”,मिट्रोभिकले भने।
रोनाल्डो साउदी लिग पुगेपछि मिट्रोभिक पनि गत समर ट्रान्सफर विन्डोमा साउदी पुगेका थिए। मिट्रोभिक अल हिलालका लागि धेरै राम्रो प्रदर्शन गरिरहेका छन्।
उनकै उच्च प्रदर्शनमा अल हिलाल साउदी प्रो लिगको शिर्ष स्थानमा छ। अल हिलाल साउदी प्रो लिग उपाधिको धेरै नजिक छ।
