एजेन्सी – प्रिमियर लिग क्लब आर्सनलका युवा स्टार बुकायो साकाले पोर्चुगिज स्टार क्रिस्टियानो रोनाल्डो आफ्नो लागि ‘उत्तम उदाहरण’ रहेको बताएका छन्।
एक कुराकानीका क्रममा साकाले रोनाल्डो आफ्नो लागि ‘उत्तम उदाहरण’ रहेको बताएका हुन्। रोनाल्डोले धेरै खेलाडीहरुलाई प्रेरणा प्रदान गरिरहेको साकाको भनाई छ।
“रोनाल्डो धेरै कुराका लागि उदाहरण छन्। मलाई लाग्छ रोनाल्डोले धेरै खेलाडीलाई प्रेरित गरेका छन्। धेरै खेलाडीहरुले रोनाल्डोको पाइला पछ्याउने प्रयास गर्छन्।”,साकाले भने,”रोनाल्डो गोल स्कोरिङ मेसिन हुन्।”
त्यसक्रममा साकाले रोनाल्डो एकै सिजनमा ६०-७० खेल नियन्त्रण गर्न सक्ने खेलाडी रहेको बताउन पनि छुटाएनन्। आफू पनि त्यस्तै प्रकार खेलाडी बन्ने योजना सहित अगाडी बढिरहेको साकाले बताए।
“प्रशिक्षकले मलाई कुलीन खेलाडीहरूले सिजनमा धेरै भन्दा धेरै खेल खेल्न सक्छन् भनेर बताउने गरेका छन्। म पनि त्यस्तै प्रयासमा रहने गरेको छु। यदि म त्यो स्तरमा पुग्न चाहन्छु भने म धेरै खेलहरू खेल्न तयार हुनुपर्छ र मेरो टोलीलाई मद्दत गर्न कोसिस गर्नुपर्छ।”,साकाले भने।
२२ वर्षको उमेरमा, साका अझै पनि आफ्नो खेलमा पूर्ण क्षमता अनलक गर्ने प्रक्रियामा छन्। आर्सनलका लागि उनले २ सय बढी खेल खेल्दा ५० भन्दा बढी गोल गरिसकेका छन्।
