रोनाल्डोका ती सानदार गोलहरु, जसकारण अल नासर उपाधि नजिक पुग्यो ! [भिडियो सहित] -

एजेन्सी – बुधबार राति साउदी प्रो लिग क्लब अल नासरले अल खालीज माथि सानदार जित दर्ता गर्यो। किङ कप अफ च्याम्पियन्सको सेमिफाइनल अन्तर्गतको खेलमा अल नासरले जति दर्ता गरेको हो।

अल नासरले ३-१ को गोल अन्तरको जित दर्ता गर्दा कप्तान क्रिस्टियानो रोनाल्डोले २ गोल गरे। रोनाल्डोले पहिलो र दोस्रो दुवै हाफमा एक-एक गोल गर्न सफल भएका हुन्।

खेलको १७ औं मिनेटमा रोनाल्डोले गोल गर्दै अल नासरलाई अग्रता दिलाएका थिए। खेलको ३७ औं मिनेटमा मानेले पेनाल्टीमा गोल गर्दा अल नासरको अग्रता दोब्बर भयो। खेलको ५७ औं मिनेटमा रोनाल्डोले गोल गरेपछि अल नासरले ३-० को अग्रता पायो।

तर खेलको ८२ औं मिनेटमा फवाज अल टोरायासले गोल गरेपछि खेल ३-१ को अवस्थामा पुग्यो। रोनाल्डोले यस सिजन अल नासरका लागि ३८ गोल गरिसकेका छन्।

साथै रोनाल्डोले यस सिजन कुल १२ असिस्ट पनि दिएका छन्। रोनाल्डो साउदी प्रो लिगका शिर्ष गोलकर्ता हुन्। उनले साउदी प्रो लिगमा यस सिजन २९ गोल गरिसकेका छन्।

उनले यस सिजन साउदी प्रो लिगमा गोल्डेन बुट जित्ने उच्च सम्भावना छ।