एजेन्सी – साउदी प्रो लिगमा शिर्ष स्थानको अल हिलाललाई पछ्याइरहेको अल नासरले शनिबार राति सानदार जित निकाल्यो। अल नासरले लिगको ३० औं खेलमा अल वेहदा माथि ६-० को जित निकाल्दा पोर्चुगिज स्टार क्रिस्टियानो रोनाल्डोले ह्याट्रिक गरे।
रोनाल्डोले पहिलो हाफमा दुई र दोस्रो हाफमा एक गोल गर्दै ह्याट्रिक पूरा गरेका हुन्। अल अवाल पार्कस्थित किङ साउद युनिभर्सिटीमा भएको खेलमा अल नासरले खेलको ५ औं मिनेटमै रोनाल्डोको गोलबाट अग्रता पाएको थियो।
खेलको १२ औं मिनेटमा रोनाल्डोले गोल नै गोल गर्दा अल नासरको अग्रता दोब्बर भयो। खेलको १८ औं मिनेटमा ओटाभियोले गोल गर्दा अल नासर ३-० को अगाडी बढ्यो।
अल नासरको चौंथो गोल खेलको ४५ औं मिनेटमा साडियो मानेले गरे। खेलको ५२ औं मिनेटमा रोनाल्डोले गोल गर्दै ह्याट्रिक पूरा गरे। खेलको ८८ औं मिनेटमा मोहमेद अल फाटिलले अल नासरका लागि छैठौं गोल गरे।
यसरी ह्याट्रिक गरेसंगै जारी सिजनमा रोनाल्डोको ह्याट्रिक संख्या ४ पुगेको छ। यस ह्याट्रिक संगै रोनाल्डो एक रेकर्ड नजिक पनि पुगेका छन्। रोनाल्डो साउदी प्रो लिगको एकै सिजनमा सर्वाधिक गोल गर्ने खेलाडीको रेकर्ड नजिक पुगेका हुन्।
साउदी प्रो लिगको जारी सिजनमा रोनाल्डोले अहिले सम्म ३२ गोल गरिसकेका छन्। अब ३ गोल गरेपछि रोनाल्डो साउदी प्रो लिगको एकै सिजनमा सर्वाधिक गोल गर्ने खेलाडी बन्नेछन्।
