एजेन्सी – प्रिमियर लिगको महत्वपूर्ण खेलमा म्यानचेस्टर सिटी र टोटनह्याम आमने-सामने हुँदैछन्। प्रिमियर लिगको उपाधि होडमा रहेको म्यानचेस्टर सिटीले आज राति टोटनह्यामको सामना गर्ने भएको हो।
सिटी र टोटेनह्याम बीचको खेल टोटेनह्याम हटस्पर स्टेडियममा हुनेछ। सिटी र टोटेनह्याम बीचको खेल नेपाली समय अनुसार रातको १२ बजेर ४५ मिनेटमा सुरु हुनेछ।
सिटी अहिले प्रिमियर लिगको दोस्रो स्थानमा छ। सिजनका ३६ खेल मध्ये २६ खेलमा जित निकाल्दा ३ खेलमा हार बेहोरेको छ भने ७ खेलमा बराबरी खेलेको छ।
सिटीको ८५ अंक छ। त्यस्तै टोटेनह्याम भने प्रिमियर लिगको पाँचौं स्थानमा छ। टोटेनह्यामको ६३ अंक छ। टोटेनह्यामले सिजनका ३६ खेल मध्ये १९ खेलमा जित निकालेको छ भने ११ खेलमा पराजय भोगेको छ।
प्रिमियर लिग उपाधिका लागि अहिले आर्सनल र सिटी बीच प्रतिष्पर्धा छ। एक खेल बढी खेलेको आर्सनल सिटी भन्दा एक अंकले बढी छ। सिटी आज जुनै पनि हालतमा जित निकाल्ने योजनामा हुनेछ।
उता आर्सनल भने सिटीको पराजयको पर्खाईमा रहनेछ। आज सिटी हारे वा बराबरीमा रोकिए मात्र आर्सनल प्रिमियर लिग च्याम्पियन बन्न सक्ने सम्भावना बढेको छ।
