एजेन्सी – स्पेनिस महारथी रियल म्याड्रिडका ब्राजिलियन स्टार भिनिसियस जुनियर सन् २०२४ को बालोन डी’ओर जित्ने दौडमा सबै भन्दा अगाडी देखिएका छन्।
रियल म्याड्रिडका लागि निरन्तर उच्च प्रदर्शन गर्दै आएका भिनिसियस जुनियर सन् २०२४ को बालोन डी’ओर जित्ने दौडको शिर्ष स्थानमा उक्लिएका हुन्।
रियल म्याड्रिड १५ औं च्याम्पियन्स लिग उपाधि तर्फ अगाडी बढिरहेका बेला भिनिसियसले बालोन डी’ओर जित्ने सम्भावना बढ्दै गइरहेको छ। उनले बालोन डी’ओर दौडमा रियलकै जुड बेलिङ्घमलाई पछि पारेका छन्।
भिनिसियसले यस सिजन रियलका लागि कुल ३७ खेल खेलेका छन्। जसमा उनले अहिले सम्म २३ गोल गरिसकेका छन् भने ११ असिस्ट प्रदान गरेका छन्।
त्यसमध्ये १५ गोल र ६ असिस्ट लालिगामा आएका छन्। त्यस्तै च्याम्पियन्स लिगको कुरा गर्दा उनले ५ गोल गरेका छन् भने ५ असिस्ट प्रदान गरेका छन्।
रियलबाट च्याम्पियन्स लिग जितेमा भिनिसियस पक्कै पनि बालोन डी’ओर जित्ने प्रमुख दाबेदार बन्नेछन्।
