एजेन्सी – इन्टर मियामी मेजर सकर लिगको महत्वपूर्ण खेलमा बराबरीमा रोकिएको छ। मेजर सकर लिगमा पछिल्लो समय निरन्तर जित निकालिरहेको मियामी बिहिबार बिहान बराबरीमा रोकिएको हो।
अर्जेन्टिनी स्टार लियोनेल मेस्सी बिना नै मैदानमा उत्रिएको मियामीले जितको शृंखलालाई कायम राख्न सकेन। मियामी अवे खेलमा ओर्लान्डो सिटीसँग गोल रहित बराबरीमा रोकियो।
ओर्लान्डो सिटी विरुद्धको खेलमा बलमा राम्रो नियन्त्रण राखेपनि मियामी आक्रमणमा भने कम्जोर देखिएको थियो। ओर्लान्डो सिटी विरुद्ध बलमा मियामीको ५९ प्रतिशत नियन्त्रण थियो।
खेलभर मियामीको तर्फबाट ७ प्रहार भएका थिए। जसमध्ये ३ प्रहार टार्गेटमा थिए। तर कुनै पनि प्रहार गोलमा परिणत भने भएनन्। त्यस्तै ओर्लान्डो सिटीको तर्फबाट भने कुल १४ प्रहार भएका थिए। जस मध्ये ३ प्रहार टार्गेटमा थिए।
यस बराबरीसंगै मियामीले शिर्ष स्थानमा अग्रता बढाउने अवसर गुमाएको छ। १४ खेलबाट मियामीको २८ अंक भएको छ। ओर्लान्डो सिटी भने १३ अंक सहित १० औं स्थानमा छ।
