एजेन्सी – साउदी प्रो लिगको जारी सिजनको अन्तिम खेलका लागि अल नासर आज राति एक्सनमा उत्रँदैछ। साउदी प्रो लिगको दोस्रो स्थानमा पकड जमाएको अल नासर आज राति एक्सनमा उत्रन लागेको हो।
आज राति अल नासरले अल गत सिजनको साउदी प्रो लिग विजेता अल इत्तिहादको सामना गर्नेछ। दुवै टोली आज जित सहित सिजनको सुखद अन्त्य गर्ने दाउमा हुनेछन्।
अल नासर अहिले दोस्रो स्थानमा छ भने इत्तिहाद पाँचौं स्थानमा छ। अल नासरले यस सिजन खेलेका ३३ खेल मध्ये २५ खेलमा जित निकालेको छ भने ४ खेलमा पराजय भोगेको छ।
त्यस्तै ४ खेलमा बराबरी खेल्दा अल नासरले ७९ अंक बनाएको छ। पाँचौ स्थानमा रहेको अल इत्तिहाद अल नासर भन्दा २५ अंकले पछि छ। अल इत्तिहादको ५४ अंक छ।
अल इत्तिहादले ३३ खेल मध्ये १६ खेलमा जित निकाल्दा ११ खेलमा पराजय भिगेको छ भने ६ खेलमा बराबरी खेलेको छ। अल इत्तिहादको ५४ अंक छ।
पछिल्लो खेलमा अल नासर विजयी भएको थियो। सो खेलमा अल नासरले इत्तिहादलाई ५-२ को गोल अन्तरले पराजित गरेको थियो। सो खेलमा क्रिस्टियानो रोनाल्डोले ह्याट्रिक गरेका थिए।
