एजेन्सी – पोर्चुगिज स्टार क्रिस्टियानो रोनाल्डोले साउदी प्रो लिगको गोल्डेन बुट जित्ने पक्का भएको छ। सिजनको सुरुवात देखि नै उच्च प्रदर्शन गरिरहेका रोनाल्डोले साउदी प्रो लिगको गोल्डेन बुट जित्ने भएका हुन्।
रोनाल्डोले अल नासरका लागि अहिले सम्म ३३ गोल गरिसकेका छन्। उनले साउदी प्रो लिगका कुल ३० खेलमा ३३ गोल गरेका हुन्। उनले यस सिजन ११ असिस्ट पनि प्रदान गरेका छन्।
यसको अर्थ साउदी प्रो लिगमा रोनाल्डोले यस सिजन ४४ गोलको योग्दान दिएका छन्। ३३ गोल गरिसकेका रोनाल्डोले यस सिजनको गोल्डेन बुट जित्ने पक्का छ।
गोल्डेन बुट दौडमा रोनाल्डोलाई अल हिलालका अलेक्जान्डर मिट्रोभिचले पछ्याइरहेका छन्। उनी रोनाल्डो भन्दा ६ गोलले पछि छन्। अल हिलाल र अल नासर दुवैले आज सिजनको अन्तिम खेल खेल्दैछन्।
रोनाल्डोलाई भेट्टाउने हो भने अल हिलालका अलेक्जान्डर मिट्रोभिचले कम्तिमा ६ गोल गर्नु पर्नेछ। जुन पक्कै पनि सम्भव हुने छैन। २७ गोल गरेका उनले रोनाल्डोलाई भेट्टाउन नसक्दा रोनाल्डोले गोल्डेन बुट जित्नेछन्।
अल नासरले साउदी प्रो लिगको उपाधि गुमाइसकेको छ। अल हिलालले सिजन सकिनु भन्दा अगाडी नै उपाधि जितिसकेको छ।
