एजेन्सी – पोर्चुगिज स्टार क्रिस्टियानो रोनाल्डो आवद्ध साउदी अरेबियन क्लब अल नासरले समर ट्रान्सफर विन्डोमा प्रिमियर लिग क्लब लिभरपुलका एक स्टारलाई टार्गेट बनाउने योजना बनाएको छ।
विभिन्न खेल मिडियाहरुका अनुसार साउदी क्लब अल नासरले समर ट्रान्सफर विन्डोमा प्रिमियर लिग क्लब लिभरपुलका एक महत्वपूर्ण खेलाडीलाई टार्गेट बनाउने योजना बनाएको हो।
अल नासरको नजरमा रहेका खेलाडी ब्राजिलियन गोलकिपर एलिसन बेकर रहेका छन्। साउदी प्रो लिग पक्षले यस गर्मीमा बेकारलाई समर ट्रान्सफर विन्डोको मुख्य टार्गेटको रुपमा हेरेको बताइएको छ।
टेलिग्राफका अनुसार एलिसनलाई साउदी क्लबले आकर्षक सम्झौताको प्रस्ताव गर्नेछ। गोलकिपर मध्य पूर्व क्लबहरूको राडारमा शीर्ष खेलाडीहरू मध्ये एक रहेका छन्।
यद्यपि, लिभरपुलका पत्रकार डेभिड लिन्चले ब्राजिलियनको एनफिल्ड छोड्ने कुनै योजना नभएको बताएका छन्। उनी विश्वास गर्छन् कि पूर्व एएस रोमा स्टार नयाँ प्रशिक्षक आर्ने स्लटसँग काम गर्न इच्छुक छन्।
