एजेन्सी – फ्रेन्च स्टार किलियन एम्बाप्पेले आफ्नो नयाँ क्लबको घोषणा गर्न आफू आतुर रहेको बताएका छन्। एक कुराकानीका क्रममा एम्बाप्पेले नयाँ क्लबको घोषणा गर्न आफू धेरै आतुर रहेको बताएका हुन्।
सीएनएनसँग कुरा गर्दै एमबाप्पेले आफ्नो अर्को क्लब छिट्टै घोषणा गरिने स्वीकार गरेका छन्। नयाँ क्लबको घोषणा आगामी केहि दिन भित्रै हुने एम्बाप्पेको भनाई छ।
“मेरो अर्को क्लब चाँडै आधिकारिक हुनेछ, यो केहि दिनको कुरा हो। म त्यसको लागि आतुर छु। म धेरै खुशी छु। हामीले केही दिन मात्र पर्खनु पर्नेछ।”,एम्बाप्पेले भने।
त्यसक्रममा एम्बाप्पेले आफू पहिलो पटक देश बाहिर जान लागेको र त्यसका लागि आफू धेरै उत्साहित रहेको बताउन छुटाएनन्। उपाधि जित्नका लागि आफू नयाँ क्लबमा जान लागेको एम्बाप्पेले बताए।
उनले भने,”म खुसी हुन चाहन्छु। म पहिलो पटक मेरो देश छोड्नेछु। यो एक अद्भुत अनुभव हुन गइरहेको छ।फुटबलमा ट्रफी जित्नु धेरै महत्वपूर्ण हुन्छ। म ट्रफीहरू जित्न चाहन्छु …”
एएस मोनाकोबाट पिएसजी आएपछि क्लबका लागि कुल ३ सय बढी खेल खेलेका छन्। यस बीचमा उनले २ सय ५६ गोल गरेका छन् भने १ सय ८ असिस्ट प्रदान गरेका छन्।
