एजेन्सी – मेजर लिग सकरले सबैभन्दा धेरै बिक्रि भएका जर्सीहरुको तथ्यांक सार्वजनिक गरेको छ। यस सिजन सबै भन्दा बढी बिक्री भएका खेलाडीहरुको जर्सी बारे जानकारी मेजर सकर लिगले सार्वजनिक गरेको हो।
मेजर सकर लिगका अनुसार सबै भन्दा बढी इन्टर मियामीका अर्जेन्टिनी स्टार लियोनेल मेस्सीक जर्सी बिक्री भइरहेका छन्। उनलाई इन्टर मियामकै लुइस सुआरेजले पछ्याइरहेका छन्।
बढी जर्सी बिक्री भएका खेलाडीहरुको सूचीको शिर्ष ५मा सिनसिनाटीको लुसियानो अकोस्टा, कोलम्बस क्रुको कुचो हर्नान्डेज र एलए ग्यालेक्सीको रिक्की पुइग पनि अटाएका छन्।
तीन खेलाडी क्रमशः तेस्रो, चौथो र पाँचौ स्थानमा छन्। बढी जर्सी बिक्री भएका खेलाडीहरुको सूचीमा मियामीमा अन्य तीन खेलाडी शिर्ष २५आ अटाएका छन्।
जसमा जोर्डी अल्बा, सर्जियो बुस्केट्स र बेन्जामिन क्रेमास्ची छन्। अर्जेन्टिनी स्टार लियोनेल मेस्सीको आगमन पछि मियामी निरन्तर चर्चामा छ। मेस्सीको आगमनकै कारण मियामीले विभिन्न स्टारहरु भित्र्याउन सकिरहेको छ।
जसकारण मियामीको विश्व बजारमा पनि समर्थकहरु बढिरहेका छन्।
Look good, play good. 🔥
Your top-selling jerseys so far in 2024: https://t.co/3FfH0dEOR5 pic.twitter.com/3yJBaS2zh5
— Major League Soccer (@MLS) June 10, 2024
