एजेन्सी – विभिन्न खेल मिडियाहरुमा आएका खबरलाई मान्ने हो भने स्पेनिस क्लब रियल म्याड्रिडले क्लबका नयाँ खेलाडी किलियन एम्बाप्पेलाई आगामी महिना सार्वजनिक गर्ने भएको छ।
केहि साता अगाडी मात्र फ्रेन्च स्टार एम्बाप्पेलाई नयाँ खेलाडीको रुपमा अनुबन्ध गरेको रियलले आगामी महिना एक कार्यक्रमका बीच रियल समर्थक माझ सार्वजनिक गर्ने भएको हो।
रियलले एम्बाप्पेलाई जुलाई १६ मा सार्वजनिक गर्ने योजना बनाएको आरएमसी खेलकुद पत्रकार फाब्रिस हकिन्सको दावी छ। एम्बाप्पे युरो कपमा फ्रान्ससँग हुने हुँदा रियलले ढिला गरी उनलाई सार्वजनिक गर्ने योजना बनाएको बताइएको छ।
फरवार्ड निस्सन्देह विश्वका उत्कृष्ट खेलाडीहरू मध्ये एक हुन्। गत सिजन ला लिगा, यूईएफए च्याम्पियन्स लिग र सुपरकोपा एस्पाना उपाधि गरेको टोलीमा एम्बाप्पे नयाँ खेलाडीको रुपमा खेल्नेछन्।
उनको आगमनले टोलीलाई अझ बढी प्रभुत्व जमाउन मद्दत गर्ने अपेक्षा गरिएको छ। रियल म्याड्रिडको टोलीमा आधिकारिक रुपमा आवद्ध हुनु अगाडी एम्बाप्पे युरो कप जित्ने योजनामा हुनेछन्।
