एजेन्सी – विश्व फुटबल महारथी ब्राजिलले कोपा अमेरिका २०२४ को यात्रा मंगलबारबाट सुरु गर्दैछ। प्रतियोगिताको पहिलो खेलमा ब्राजिलले कोस्टा रिकाको सामना गर्नेछ।
ब्राजिल र कोस्टा रिका बीचको खेल अमेरिकाको सोफी स्टेडियममा हुनेछ। खेल नेपाली समय अनुसार मंगलबार बिहानको ६ बजेर ४५ मिनेटमा सुरु हुनेछ।
ब्राजिल पक्कै पनि पहिलो खेलमा जित निकाल्दै प्रतियोगिताको सुखद सुरुवात गर्ने पक्षमा हुनेछ। उता कोस्टा रिका पनि ब्राजिललाई स्तब्द पार्ने योजनामा हुनेछ।
ब्राजिल र कोस्टा रिका समूह ‘डी’मा छ। समूहमा पराग्वे र कोलम्बिया पनि छन्। मंगलबार बिहान सो समूहमा पराग्वे र कोलम्बिया पनि आमने-सामने हुनेछन्।
हेड टु हेड
ब्राजिल र कोस्टा रिका अहिले सम्म ११ पटक आमने-सामने भएका छन्। जसमध्ये अधिकांश खेलमा ब्राजिल विजयी भएको छ। ब्राजिलले १० पटक जित निकाल्दा कोस्टा रिकाले एक खेलमा मात्र जित निकालेको छ।
