एजेन्सी – पोर्चुगिज स्टार क्रिस्टियानो रोनाल्डोको एक रेकर्ड धरापमा परेको छ। रोनाल्डोले युरो कपमा बनाएको रेक रेकर्ड धरापमा परेको हो।
प्लेयर अफ द म्याचमा रोनाल्डोले बनाएको रेकर्ड यसपटक तोड्न स्विट्जरल्याण्डका कप्तान ग्रानिट झाकालाई अवसर छ। युरो कपको नकआउट चरणमा उच्च प्रदर्शन गर्न सके उनले सो रेकर्ड तोड्नेछन्।
युरो कपमा सबै भन्दा बढी प्लेयर अफ द म्याच अवार्ड जित्ने खेलाडीको रेकर्ड रोनाल्डो र स्पेनका लिजेन्ड आन्द्रेस इनिएस्टाको नाममा छ। दुवैले अहिले सम्म युरो कपमा ६-६ पटक प्लेयर अफ द म्याच जितेका छन्।
इनिएस्टाले पहिला नै सन्यास लिसकेका छन् भने सम्भवतः रोनाल्डोका लागि यो अन्तिम युरो हुन सक्छ। अहिले सम्म भएका खेलहरुमा रोनाल्डोले खासै उत्कृष्ट प्रदर्शन गर्न सकेका छैनन्।
उता झाका भने यस युरोमा धेरै राम्रो प्रदर्शन गरिरहेका छन्। उनले यस युरोमा २ पटक प्लेयर अफ द म्याच जितिसकेका छन्। जससंगै युरोमा उनको प्लेयर अफ द म्याच अवार्ड संख्या ५ पुगेको छ।
अब एक खेलमा उच्च प्रदर्शन गर्दै प्लेयर अफ द म्याच जितेको खण्डमा रोनाल्डो र इनिएस्टासँग उनले बराबरी गर्नेछन् भने दुई अवार्ड जितेमा सो रेकर्ड तोड्ने छन्।
