एजेन्सी – क्याटलान क्लब बार्सिलोनाले क्लबका युवा खेलाडी अन्सु फातीलाई बिक्री गर्ने योजना बनाएको छ। विभिन्न खेलाडीहरुका अनुसार बार्सिलोनाले अन्सु फाती यस समर ट्रान्सफर विन्डोमा बिक्री गर्ने योजना बनाएको हो।
बार्सिलोनाले अन्सु फातीलाई उनी क्लबका नयाँ प्रशिक्षक हान्सी फ्लिकको योजनामा नरहेको जानकारी गराइसकेको एल चिरिन्गुइटो डे जुगोनेसले जनाएको छ।
फाती गत सिजन लोनमा प्रिमियर लिग क्लब ब्राइटन पुगेका थिए। तर त्यहाँ पनि उनलाई चोटले दुख दियो र उनले त्यहाँ खासै प्रभाव जमाउने प्रदर्शन गर्न सकेनन्।
ब्राइटनका लागि उनले गत सिजन कुल ३० खेल खेले। जसमा उनले मात्रै १ सय ५८ मिनेट मैदानमा बिताए। ब्राइटनसँगको लोन सम्झौता सकिएपछि उनी बार्सिलोना फिर्ता भइसकेका छन्।
फातीलाई क्याम्प नोउमा लियोनेल मेस्सीको उत्तराधिकारीको रुपमा हेरिएको थियो। उनले मेस्सीको जर्सी नम्बर १० पनि पाएका थिए। बार्सिलोनामा उनको सम्झौता सन् २०२७ सम्मका लागि छ।
पूर्व ला लिगा च्याम्पियनहरू प्रि-सिजनको लागि संयुक्त राज्य अमेरिका जानु अघि अर्को महिना हान्सी फ्लिक अन्तर्गत पुन: संगठित हुनेछन्। बार्सिलोनाले म्यानचेस्टर सिटी, रियल मड्रिड र एसी मिलानसँग मैत्रीपूर्ण खेल खेल्ने कार्यक्रम रहेको छ।
