एजेन्सी – अमेरिकामा जारी कोपा अमेरिका २०२४ अन्तर्गत समूह ए को अन्तिम खेलमा अर्जेन्टिनाले सानदार जित दर्ता गरेको छ। अर्जेन्टिनाले समूह ए को अन्तिम खेलमा पेरुलाई पराजित गरेको हो।
हार्ड रक रंगशालामा भएको खेलमा अर्जेन्टिनाए पेरुलाई २-० को गोल अन्तरले पराजित गर्यो। लियोनेल मेस्सी नखेलेको खेलमा अर्जेन्टिनाका लागि दुवै गोल लौटारो मार्टिनेजले गरे।
खेलमा भएका दुवै गोल दोस्रो हाफमा भएका थिए। पहिलो हाफमा पटक पटक गोल गर्न चुकेको अर्जेन्टिनाका लागि दोस्रो हाफको ४७ औं मिनेटमा लौटारोले गोल गर्दै अर्जेन्टिनालाई अग्रता दिलाएका थिए।
उनले एन्जल डी मारियाको पासमा गोल गरेका थिए। त्यस्तै उनले ८६ औं मिनेटमा मार्टिनेजले व्यक्तिगत दोस्रो गोल गर्दा अर्जेन्टिनाले २-० को अग्रता पायो।
त्यसभन्दा अगाडी अर्जेन्टिनाले एक पेनाल्टीको अवसर पाएको थियो। जसमा लिआन्द्रो पारेडेसको प्रहार पोस्टमा लागेर फर्किन पुगेको थियो।
लगातार तेस्रो जितसंगै अर्जेन्टिना समूह विजेता बनेको छ। अर्जेन्टिनाको ३ खेलमा ९ अंक जोडेको छ।
