एजेन्सी – रियल म्याड्रिडका युवा स्टार जुड बेलिङ्घम बालोन डी’ओर जित्ने दौडको शिर्ष स्थानमा उक्लिएका छन्। युरो कपमा इंग्ल्याण्ड सेमिफाइनलमा प्रवेश गरेपछि जुड बेलिङ्घम बालोन डी’ओर दौडको शिर्ष स्थानमा उक्लिएका हुन्।
जर्मनीमा जारी युरो कपमा बेलिङ्घमले महत्वपूर्ण दुई गोल गरेका छन्। अन्तिम १६मा स्लोभाकियाविरुद्धको खेलमा उनले निर्णायक गो गरेका थिए। उनकै गोलमा इंग्ल्याण्ड क्वाटरफाइनलमा प्रवेश गरेको थियो।
बेलिङ्घम युरो कपको गोल्डेन बुट जित्ने दौडमा पनि छन्। इंग्ल्याण्डले युरो कप जितेको खण्डमा बेलिङ्घम स्पष्ट रुपमा बालोन डी’ओर जित्न योग्य हुनेछन्।
यस्तै यस अगाडी बालोन डी’ओर दौडको शिर्षस्थानमा रहेका ब्राजिलियन स्टार भिनिसियस जुनियर भने एक स्थान तल झरेका छन्। ब्राजिल कोपा अमेरिकाबाट बाहिरिएपछि उनी बालोन डी’ओर जित्ने दौडमा एक स्थान तल झरेका हुन्।
फ्रान्सका स्टार किलियन एम्बाप्पेले पनि बालोन डी’ओर दौडमा जम्प हानेका छन्। एम्बाप्पे यस दौडको तेस्रो स्थानमा उक्लिएका छन्।
