एजेन्सी – रियल मड्रिडका नयाँ स्ट्राइकर एन्ड्रिकले ब्राजिलका स्टार नेयमार र आफ्नो नयाँ क्लब रियल म्याड्रिडका सहकर्मी जुड बेलिङ्घमबीच छनोट गरेका छन्।
एक कुराकानीका क्रममा अल हिलालका नेयमार र रियलका बेलिङ्घम मध्ये एकलाई रोज्न आग्रह गरिँदा बेलिङ्घमलाई रोजेका हुन्। नेयमार र बेलिङ्घम मध्ये कसलाई रोज्नु हुन्छ भनेर गरिएको प्रश्नमा उनले भने,”बेलिङ्घम”
बार्सिलोना र पीएसजीमा राम्रो समय बिताएका नेयमार गत सिजन मात्रै अल हिलाल पुगेका हुन्। अल हिलाल पुगेको केहि समयमा नै उनी घाइते भएका थिए।
त्यसयता उनी मैदान बाहिर छन्। यसैबीच, बेलिङ्घम खेलको उत्कृष्ट युवा खेलाडीहरूमध्ये एकको रुपमा उदाएका छन्। बोरुसिया डर्टमुन्डबाट रियल आएपछि उनले ४२ खेलमा २३ गोल गरिसकेका छन्।
त्यस्तै उनले यस बीचमा १३ असिस्टको योगदान पनि दिसकेका छन्। एन्ड्रिकलाई गत महिना मात्रै रियलले आफ्नो नयाँ खेलाडीको रुपमा सार्वजनिक गरेको थियो।
