एजेन्सी – सन् २०२४-२५ को सिजनका लागि क्लब फुटबल फिर्ता भएको छ। युरो कप र कोपा अमेरिका पछि छुट्टि मनाएर लगभग सबै खेलाडीहरु आफ्नो-आफ्नो क्लब फिर्ता भैसकेका छन्।
यसैबीच सन् २०२४ को बालोन डी’ओर पावर वरियता सार्वजनिक भएको छ। सार्वजनिक बालोन डी’ओर पावर वरियता अनुसार शिर्ष स्थानमा रियल म्याड्रिडका ब्राजिलियन स्टार भिनिसियस जुनियर छन्।
पछिल्लो समय दोस्रो स्थानम रहेका उनी पुनः पहिलो स्थानमा उक्लिएका हुन्। कोपा अमेरिकामा खासै राम्रो प्रदर्शन गर्न नसकेपछि भिनिसियस दोस्रो स्थानमा झरेका थिए। तर रियलबाट केहि समय अगाडी युइएफए सुपर कप जितेपछि उनी पुनः शिर्ष स्थानमा उक्लिन सफल भए।
दोस्रो स्थानमा म्यानचेस्टर सिटीका स्पेनिस मिडफिल्डर रोड्रि छन्। युरो कप जितेपछि उनी शिर्ष स्थानमा उक्लिएका थिए। तर अहिले उनी दोस्रो स्थानमा झरेका छन्।
बालोन डी’ओर पावर वरियताको तेस्रो स्थानमा जुड बेलिङ्घम छन् भने चौंथो स्थानमा लाउटारो मार्टिनेज छन्। लाउटारो मार्टिनेजले गत सिजन इन्टर मिलानका लागि उच्च प्रदर्शन गरेका थिए भने कोपा अमेरिकामा पनि सानदार प्रदर्शन गरेका थिए।
अर्जेन्टिनाकै लियोनेल मेस्सी पाँचौं स्थानमा छन्। अर्जेन्टिनासँग कोपा अमेरिका जितेपछि मेस्सी एकाएक शिर्ष पाँचमा आइपुगेका हुन्।
