एजेन्सी – मेजर सकर लिगमा इन्टर मियामीले अर्को सानदार जित निकालेको हो। १० खेलाडीमा समेटिएर पनि इन्टर मियामीले शनिबार राति जित निकालेको हो।
मियामीले गरेलु मैदानमा मियामीले एफसी सिनसिनाटीलाई २-० को गोल अन्तरले पराजित गर्यो। मियामीका लागि दुई मध्ये दुवै गोल लुइस सुआरेजले गरेका थिए।
खेलको पहिलो मिनेटमा सुआरेजको गोलमा मियामीले अग्रता लिएको थियो। केहि मिनेट नबित्दै सुआरेजले अर्को गोल थप्दा मियामीको अग्रता दोब्बर भयो।
सो गोल सुआरेजले खेलको छैठौं मिनेटमा गरेका थिए। तर मियामी पहिलो हाफमा १० खेलाडीमा समेटिन पुग्यो। खेलको ४२ औं मिनेटमा टोमस एभिलेस रेड कार्ड बेहोर्दै मैदानबाट बाहिरिएको थियो।
१० खेलाडीमा समेटिएर पनि मियामीले आफ्नो अग्रतालाई खेलको अन्त्य सम्म कायम राख्यो। यससंगै मियामीले शिर्ष स्थानमा ८ अंकको अग्रता बनाएको छ।
मियामीले २६ खेलबाट ५६ अंक बटुलेको छ भने सिनसिनाटीले समान खेलबाट ४८ अंक बटुलेको छ।
